Сауд Арабиясында қалыңдықтың әкесі қызын айттыра келген жігітті келген ізімен кері қайтарды. Намаз уақытын білмегені үшін. Яғни, қызды айттыруға әкесін ерте келген жігіттен таң намазының уақыты қашан кіретінін сұраса, жігіт жауап бере алмаған көрінеді. Бұл ыңғайсыз оқиға Хаил қаласында орын алды. Қыздың әкесі жігітке: «Сауалыма жаңылыспай жауап берсең, қызымды қалыңмалсыз беремін», - деп шарт қойған көрінеді. Алайда, жігіт тегіс жерден сүрініп, осылайша қалыңдығынан айырылды. Қыздың әкесі сонда: «Құлшылықты ойламаған сендер қызыма қамқор болып жарытпайсыңдар», - деп кері қайтарған екен.