Мұнай экспорттаушы елдер ұйымының шикізат экспортындағы табысы соңғы 11 жылдағы ең төмен көрсеткішке түсті. Бұл туралы khabar.kz хабарлады.

Жалпы ұйымға мүше бүкіл ел былтыр әлемдік нарықта сатқан қара алтыннан 446 миллиард доллар пайда көрген. Бұл 2015 жылмен салыстырғанда 13 пайызға кем. Ал 2016 жылы ұйымға мүше елдер арасында экспорттық табысын көбейткен жалғыз мемлекет Иран болған. Оның табысы 1,5 есе өскен.

Былтырғы жылдың аяғында ОПЕК және осы ұйымға кірмейтін бірқатар ел жарты жылға мұнай өндірісін азайтуға келіскен. Мамыр айында келісім мерзімін тағы да 9 айға ұзартты.