Жыл сайын жаңартылатын рейтингтер болады. Сондай рейтингтердің бірінде (Global Firepower Index – 2021) өзбек әскері Орта Азия аймағында көш басынан көрінді. Ал әлем бойынша 51-ші орынға табан тіреген. Бұл жайында islam.kz порталы centralasia.media ақпарат көзіне сілтеме жасай отырып мәлім етеді. Аталмыш рейтинг дерегінше қазақстан әскері 61-ші орынды місе тұтқан. Ауғанстан 75-ші орынға жайғасқан, Түркіменстан – 86, Қырғызстан - 93, Тәжістан – 99. Өзбек әскері бұл тарапта Беларус, Марокко және Португалия әскерімен шендес: Беларус – 51-ші орында. Бұрынғы КСРО құрамындағы елдер бойынша бұл ретитингте Өзбекстан төртінші позицияда, яғни, Ресей Федерациясы, Украина және Беларусиядан кейінгі орында тұр.