Қытай халық республикасының халықты азат ету әскері орта қашықтықтағы баллистикалық зымыранмен қарулану туралы шешім қабылдады. Қытайдың орталық теледидары бүгін хабарлағандай, зымыранның бұо түрі ядролық та, кәдімгі оқтұмсықты да болуы мүмкін. Алайда, зымыранның қалай аталатынын айтпады. Репортаждан белгілі болғандай, жаңа қару түрі ядролық соққыға жедел жауап беруде және құрлықтағы маңызды нысандарға дәл соққы беру мақсатында пайдаланылады. ондай-ақ, аса ірі әрі орташа кемелерді жою үшін қолданылады. Қытайлардың Sina ақпарат көзі бұл деректі DF-26 орташа қашықтықтағы баллистикалық зымыранның жетілдірілген түрімен байланыстырып отыр. Оның ұшу қашықтығы шамамен 3 мың шақырымды құрайды.