Францияда 2015 жылы бірінен кейін бірі болған терактілерден соң енгізілген төтенше жағдай режимі қараш айының бірінен бастап өз күшін жойды. Оның орнына полицияның құзыретін айтарлықтай кеңітетін терроризмге қарсы жаңа заң қолданысқа енеді. Яғни, бұдан былай террористермен күресті желеу етіп, мешітті жабу құқығын полицияға бермек. Француз билігі асыра сілтеп отыр. Ендігі жерде француз полициясы діни ұйымдарды арнайы органның рұқсатынсыз өз еркімен тінте, тексере, жаба алатын болады. Естеріңізге сала кетейік, 2015 жылдың қараша айының 13-і күні терактілердің салдарынан 130 адам қаза тауып, 350-ден аса адам жарақат алған болатын.