Үндістандағы «Жануарларға сыпайы қарауды жақтайтын адамдар» (PETA) деп аталатын ұйымның белсенділері Азиядағы аса ірі мешіттердің бірінде мұсылмандарды Құрбан айтты құрбан шалмай өткізуге шақырып, акция өткізбек болды. Малды құрбандыққа шалуға қарсылық белгісі ретінде жаппай жасыл киінген олардың ақылға сыймайтын бұл үндеуі мұсылмандарға ерсі естілгені сондай, Бхопалдегі аңызға айналған Тәж-үл-Мәсжид мешітінің жамағаты бүйректен сирақ шығарғандардың бұл әрекетіне тойтарыс берді. Ағылшын және урду тілдерінде «Құрбан айтта бәрін бақытты қылыңдар. Құрбан шалмай өткізуге тырысыңдар» деп жазылған плакат ұстап, шырқын бұзған РЕТА белсенділерін тарату үшін тәртіп сақшылары көмекке келді. Бұл жайында Times of India ақпарат көзі хабар таратты.