Қырғызстан президенті Садыр Жапаров балаларды теріс ақпараттардан, соның ішінде бір жыныстылар қатынасының насихатынан қорғайтын заңға қол қойды. Бұл жайында islam.kz порталы өз кезегінде аталған мемлекет басшысының баспасөз қызметіне жөн сілтеген golosislama.com ақпарат көзіне сілтеме жасай отырып мәлім етеді. Аталмыш заң талаптарына сәйкес егер ақпаратта отбасылық және дәстүрлі әлеуметтік құндылықтарды жоққа шығару белгілері болса немесе туыстарына құрметсіздік білдіретін болса, мұндай ақпараттар да балалар үшін зиянды болып саналады. Сонымен қатар, заң балаларды өз-өзіне қол жұмсауға, есірткіге, темекі мен алкоголге, құмар ойындарға, жезөкшелік пен қайыр тілеуге итермелеуге тыйым салады.