Қытай аумағынан 60 мың жыл энергия өндіруге жететін торияның аса мол қоры табылды. Бұл жайында islam.kz порталы South China Morning Post ақпарат көзіне сілтеме жасай отырып мәлім етеді. Аталмыш кен орны Ішкі Моңғолияның Баян Оба тау-кен кешенінде табылған. Жалпы ұлттық зеттеу дерегіне қарағанда, кеніште 1 млн тонна тория қоры жатыр. Бұл қор алпыс мың жыл бойы күллі Қытайды энергиямен қамтамасыз етуге жетеді. Естеріңізге сала кетейік, тория әлсіз радиоактивті элемент, ол реакторларда ерітілген тұзбен бірге қолданылады. Мұндай генераторлар материалдардың радиоактивтен тозуы аз болған кезде орасан зор мөлшерде энергия өндіруге қабілетті.