Ресей Федерациясының бас прокуратурасы Amnesty International халықаралық құқық қорғау құрылымын Ресей аумағында заңнан тыс ұйым ретінде танитын шешім қабылдады. Бұл жайында islam.kz порталы IslamNews ақпарат көзіне сілтеме жасай отырып мәлім етеді. РФ бас прокуратурасы штаб-пәтері Лондон мегаполисінде орналасқан аталмыш ұйымды жаһандық русофобиялық жобаларды әзірлеумен айналысты деген желеумен осындай қадамға барғын екен. Бұдан бөлек, Ресей билігі, дәлірегі, Кремл экстрермистік деп таныған шетелдік агенттерді де қаржыландырады деген сылтау келтіріп отыр. Аталған ұйым Ресейлік басқыншылардың адам құқығын өрескел бұзған әрекеттерін айыптағаны үшін жазықты болып қалған.