Тақ мұрагері Мұхаммед бен Салманның пәрменімен елде жүргізіліп жатқан әлеуметтік реформалар мен экономиканы әртараптандыру саясатына байланысты Саудия білікті мамандарға зәру. Осыған байланысты Саудия билігі түрлі салалар бойынша шетелдік мамандарға азаматтық беру бастамасын мақұлдады. Бұл жайында islam.kz порталы Arab News ақпарат көзіне сілтеме жасай отырып мәлім етеді. Королдің бұл тараптағы жарлығына сәйкес дәрігерлер, заңгерлер, жоғары технологияны меңгерген тұлғалар, жаратылыстану ғалымдары, мәдениет өкілдері аталған араб елінің азаматтығын ала алады. Оларға қойылатын ең басты талап - білікті болу, яғни, өз саласын жетік білуі тиіс.