Шетелдік инвесторлар Қытай нарығын тастап кетіп жатыр. Бұған салықтық жеңілдіктердің төмендеп кетуі мен жұмыс күшінің қымбаттауы себеп болған. Нәтижесінде көптеген кәсіпорын бизнесін Азияның өзге де дамушы елдеріне ауыстырып жатыр.

Америка-Қытай сауда палатасының 500-ге жуық мүшесінің 4-тен бір бөлігі Қытай еліндегі бизнесін тоқтатқан және жақын уақытта тоқтатуға дайын отыр. Мәселен, қаңтарда әлем бойынша компьютерге арналған қатты диск шығаратын Seagate компаниясы Сучжоу қаласындағы өндіріс орнын жапты. Онда 2 мыңға жуық қытайлық жұмыс істейтін еді.

Кейін белгілі болғандай, Sony, Panasonic, L’Oreal мен Microsoft компаниясы да Қытай елінен кеткен.