Ауғанстан билігіндегі тәліптер қозғалысы Шам мен Сирия жерінде ойран салған содырлардың ел аумағындағы топтарымен күресу үшін арнайы жасақ құратын болды. Бұл жайында islam.kz порталы өз кезегінде Afghanistan International ақпарат көзіне жөн сілтеген IslamNews сайтына сілтеме жасай отырып мәлім етеді. Арнайы бөлімше жұмыссыз тәліптерден жасақталады. Олар барлау қызметінің деректерін басшылыққа алып, лаңкестерге қарсы арнайы операция жүргізеді. Осыған байлагысты Ауғанстанның ішкі істер министрлігі аймақтық басшылықтарға жұмыссыз азаматтар тізімін жасауға тапсырма беріп отыр. Тәліптердің пікірінше, жұмыссыз жүргендер ең алдымен лаңкестер құрығына түседі. Сондықтан оларды лаңкестерге қарсы пайдаланудың қауіпсіздік тұрғысынан маңызы зор.