Татарстан мұсылмандары бұдан былай «Миран» компаниясында өзі мен дүние-мүлкін шариғат талаптарына сай сақтандыра алады. Бұл жайында islam.kz порталы өз кезегінде «Татар-информ» ақпарат агенттігіне жөн сілтеген Islam-Today сайтына сілтеме жасай отырып мәлім етеді. Иранның экономика министрінің орынбасары Мұхаммед Жауад Шәріпзада Қазан қаласында ашылған «Мир Бизнес Банка» аясында «Миран» қаржы компаниясы мен қазіргі уақытта тіркеуден өтіп жатқан сақтандыру компаниясы Татарстанды осындай шариғи қызмет көрсететін оңтүстік хабқа айналдыратынын жеткізді.