Өткен жылы Ресейден еліне ақша аударудан өзбек мигранттары көш бастаған екен көрші елде. Яғни, 2017 жылы өзбек мигранттары өз табанақы, маңдай терімен тапқан 3 млрд 902 млн доллар аударған. Бір ғана жылдың өзінде. Бұл мәліметті Ресей Федерациясының орталық банкі келтірген. Жеке тұлғалардың ақша аударуына қатысты статистикалық дерек аталған банктің сайтында жарияланған. Ал екінші орында тәжіктер тұр – 2 млрд 536 млн долларды еліне аударған. Өткен жылы. Одан кейінгі орынған қырғыздар жайғасқан – 2 млрд 211 млн доллар. Төртінші орынға армяндар табан тіреген екен - 1 миллиард 65 миллион доллар.