Гректердің SAS Technology қорғаныс компаниясы Литохоро полигонында Sarisa II (SRS-2A) деп аталатын әскери ұшқышсыз ұшу аппаратын сынақтан сәтті өткізді. Бұл жайында islam.kz порталы armyrecognition.com ақпарат көзіне сілтеме жасай отырып мәлім етеді. Беспилотник лазерлі бағыттаушысы бар, басқарылатын FZ275 LGR зымыранын сынақтан өткізді: теңіз деңгейінен 450 метр биіктіктен, 1700 метр қашықтан нысанаға соққы берді. Көлемі 5/5 метрлік нысанадан ауытқу көрсеткіші небәрі – 0,2 метр. Аппарат реактивті снарядтарды ұшыру кезінде ұшу тұрақтылығын сақтап қалды.