Ақтөбе облысында жамағат имамға көлік сыйлады
|
Қарғалы ауданы Шәмші Қалдаяқов ауылының тұрғындары жергілікті имамға Мәуліт мерекесі қарсаңында тарту жасады, -деп жазады stan.kz порталы Aktobenews.kz ақпарат көзіне сілтеме жасай отырып.
2015 жылдан бері мешіт үйіне қызмет қылып келе жатқан жас имам Айбек Ғалымға мешіт жамағаты ВАЗ-21099 автокөлігінің кілтін табыс етті.
Айбек Ғалым Ақтөбе медресесінің түлегі. Қызмет жолында жеткен жетістіктері де баршылық. Мысалы, 2014 жылы Қостанай қаласында өткен облыстық азаншылар байқауында бас жүлдені иеленген.