Түркияның Шорым емханасында ота жасатқан жас жігіт наркоз әсерінен азан шақырумен болды. Бұл жайында islam.kz порталы Gündem Özel Haber ақпарат көзіне сілтеме жасай отырып мәлім етеді. Телефон арқылы таспаға тартып алынып, әлеуметтік желіге жүктелген бұл видео аз уақыт ішінде күллі әлемге таралды. Адамның наркоз  әсерінен түрлі әрекеттерге баратыны таңсық емес: жылайды немесе күледі, бет-аузын тыржитады, т.б. Ал Ахмет Жосқын есімді 23 жастағы науқас ота кезінде адамдарды намаз оқуға шақырумен болған. Өйткені, ол балалық шағында мешітте жиі азан шақыруды әдетке айналдырған екен.