Сабыр Ағабердиев есімді 3 жастағы әзірбайжандық бала қасиетті Құраннан сүрелерді жатқа оқып, интернет кеңістігінде танымал болды. Екі жасында әліппені меңгеріп, өзі оқып үйренген болатын. Бұл жайында islam.kz порталы islam.ru ақпарат көзіне сілтеме жасай отырып мәлім етеді. Әлі кішкентай болса да зеректігімен көзге түскен Сабырдың әкесі Жәбірдің айтуынша, оны ұйықтатар алдында балаларға арналған тақпақтар оқып беруді әдетке айналдырған екен. Содан соң қасиетті Құраннан сүрелерді жаттаған. Бұдан бөлек, әзірбайжандық вундеркинд әзірбайжан ақындарының өлеңдері мен кейбір шетелдік сөздерді де жаттап алған, жүзге дейін санай алады. Оқып-жаза алады, суретті де салады, теледидардан викториникалық хабарларды көруді ұнатады.