Осы аптада Apple корпорациясы шариғат шәлісін тағынған мұсылман әйелдің бейнесінде жаңа эмодзидің пайда болғанын жаһанға жар салып, жариялаған болатын және 16 жастағы мұсылман бойжеткеннің бұл эмодзиі ғаламторда қызу талқыланған тақырыптардың біріне айналды. Сауд Арабиясының Райуб әл-Хумеди есімді тумасы өткен жылы бұл идеясын эмодзи жасаумен шұғылданатын The Unicode Consortium коммерциялық емес ұйымына жеткізген еді. Бұл жайында Yenicag.Ru ақпарат көзі хабар таратты. "Мені әлем бойынша хиджаб оранған әйелдерді бейнелейтін эмодзидің жоғы таңқалдырды",- деп ағынан ақтарылды. "Әлбетте, менің бұл эмодзиім ешнәрсені өзгерте алмас, алайда, адамдарға жағымды көңіл күй сыйлайды",- деді қазіргі уақытта Вена қаласында тұратын ол.