Сауд арабиясының солтүстік батысында орын тепкен Жуф провинциясында мүміндердің әміршісі Омар ибн Хаттаб халифалық құрған тұста тұрғызылған мешіт осы күнге дейін сақталған. Нақтырақ айтқанда, мұсылмандардың осынау көне ғибадат ғимараты VII ғасырда соғылған. Араб түбегіндегі бастапқы сәулетін және сыр-сымбатын сақтап қалған сирек жәдігерлердің бірі әрі бірегейі. Тарихи дерекке қарағанда, ол хижра жыл санауы бойынша 16 жылы салынған. Құдыс халифалықтың құрамында болған кезде. Мешіттің ұзындығы 33 метрге жетеді. Ал ені - 18 м. Мұнарасының биіктігі - 13 м.