Сәмия әл-Амуди есімді саудиялық мұсылман әйелдің мамандығы гинеколог. 2006 жылы ол омырау обырымен ауырды. Содан бері ол жанына батқан сырқатпен күресіп, тек осы жылдың қаңтар айында ғана ауруды жеңе білді. Ол әйелге тән ауруларды айту ұят саналатын бұл елде алғашқы болып қоғамда қалыптасқан жаңсақ ұғымға қарамай омырау обырымен қалай күрескенін, аты жаман ауруды қалай еңсергенін кітапқа арқау етті. Әйелдер үшін өте өзекті де ділгір тақырыпты қозғағанымен тарихта қалатын болды. Оның әлеуметтік желілерде 70 мыңнан аса оқырманы бар. Бұл жайында Al Arabiya ақпарат көзі хабар таратты.