Бұдан былай 21-ге толмаған азаматтарға энергетикалық сусын сатылмайды, деп хабарлайды 24kz.

Мәжіліс депутаттары тиісті түзетулер енгізілген заң жобасын екінші оқылымда қабылдады. Онда ойын бизнесі, лотереялар және лотерея қызметі мәселелері бойынша өзгерістер мен толықтырулар енгізу жайы ескерілген. Осылайша, жасы 21-ге жетпегендерге дүкен, автомат және басқа электрондық немесе механикалық құрылғылар арқылы энергетикалық сусын саудасына тыйым салынады. Депутат Елнұр Бейсенбаевтың пікірінше, құмар ойындарына салынған жастар түні бойы ойнау үшін көбіне энергетикалық сусын ішеді.