2024 жылдың қорытындысы бойынша Қазақстан 17 567,5 тонна қой етін (жас, салқындатылған немесе мұздатылған) экспорттады. Бұл көлемнің басым бөлігі – 13 892,5 тоннасы (жалпы экспорттың шамамен 80%-ы) Өзбекстанға жіберілді. Сату бағасының орташа деңгейі – килограмына 2,4 АҚШ доллары болды. Бұл туралы аграрлық нарық сарапшысы Төлеутай Рахымбеков хабарлады.

Ал алыс шетелге Қазақстан 3 489,8 тонна қой етін едәуір жоғары бағамен – килограмына шамамен 6,5 АҚШ долларынан экспорттады. Алыс шетелдегі қазақстандық қой етінің сатып алушылары мыналар болды: БАӘ – 1 241,7 тонна, Иран – 1 161 тонна, Катар – 494,5 тонна, Кувейт – 410,9 тонна, Сауд Арабиясы – 163,3 тонна, Сирия – 16,6 тонна, Иордания – 1,7 тонна.

Мысалы, Кувейтке орташа баға килограмына 7,6 АҚШ долларынан асты, Катарға – 7,4 доллар, БАӘ-ге – 6,55 доллар, Сауд Арабиясына – 7,5 доллар болды.

2024 жылы Қазақстанға қой етін импорттау көлемі 31,1 тоннаны құрады, оның ішінде Ресейден – 27,7 тонна, Қырғызстаннан – 3,4 тонна. Жалпы құны – 174,7 мың АҚШ доллары, орташа бағасы – килограмына 5,62 доллар.