Ұлттық банк теңге курсын қалыпта ұстап тұру үшін өткен айда 146 миллион долларға жуық ақша жұмсапты. Бұл қаржы тілінде «валюлатық интервенция» деп аталады.

«Тамыз айының алғашқы күндерінде теңге курсының ауытқуы шілде айының соңындағы мұнай бағасының төмендеуімен байланысты. Шетелдік валютаның нетто-сатылым көлемі 146 млн долларды құрайды».

Жалпы айтқанда, соңғы айларда Ұлттық банктің үлесі шынында да аз болған. Ол тек 5 пайызды ғана құрайды. Сарапшылар валюта нарығындағы бұл жағдайды тұрақты деп санайды. Тамыз айында теңге 3 пайызға дейін қайта күшіне енді.