АҚШ Таяу Шығыстағы соғыста кем дегенде алты триллион доллар шығынға батқаны белгілі болды. Бұл жайында Ақ үй қожайыны Дональд Трамп штат губернаторларымен кездесуі барысында мәлім етті. «АҚШ Таяу Шығыста соғыс жүргізіп келе жатқанына, міне, 17 жыл өтіпті. Жуырда барлық құжаттармен танысып шықтым. Осы уақыт аралығында соғысқа алты триллион доллар жұмсаған. Бұл соғыстан АҚШ ешнәрсеге қол жеткізген емес, бұған жол беруге болмайды. Керісінше Таяу Шығыстағы ахуал одан бетер күрделің сипат алды»,- деп мәлімдеді. АҚШ президенті осылай дей келе бұдан былай АҚШ-тың елден тысқары жерлерде соғыс жүргізбейтіні, оның орнына ел ішін тәртіпке келтіруге қаржы жұмсайтынын жеткізді.