Парсы шығанағындағы араб елдерінің ынтымақтастық кеңесіне кіретін Саудия, Біріккен Араб Әмірлігі, Катар, Бахрейн, Кувейт және Оман Еуропадағы Шенген аймағына ұқсас бірыңғай виза кеңістігін құру мәселесін талқылап жатыр. Бұл жайында islam.kz порталы Arabian Business ақпарат көзіне сілтеме жасай отырып мәлім етеді. Атап айтқанда, Дубайда ашылған Arabian Travel Market көрмесі аясында Бахрейннің Туризм министрі Фатима әл-Сайрафи, БАӘ Экономика министрінің орынбасары Абдулла әл Салық және Сауд Арабиясы Туризм басқармасының директоры Фахд Хамидаддин бұл тарапта виза ережелерін бірегейлендіру туралы өзара келіссөздер жүргізді. Егер аталған елдер арасында ортақ виза кеңістігі құрылса, аймақтың туристік әлеуетін арттырмақ.