Берлин қаласында Германиядағы ең көп мұсылман жамағаты тұрады. Аталған елге келген алғашқы мұсылмандар легінің аға буыны қартайып барады, оларды жерлейтін орын жоқ. Бұл жайында islam.kz порталы ArabNews ақпарат көзіне сілтеме жасай отырып мәлім етеді. Берлинде 250 000- 300 000 мұсылман тұрады. Мұндағы мұсылман отбасыларының жартысы қайтыс болған туысын шетелге жөнелтеді. Жерлеу үшін. Марқұмды туған жеріне жерлеу үшін жолға кететін әрі табытқа жұмсалатын шығын қымбат. Ең сорақысы, мәйіт бірнеше күн қатарынан жерленбейді, оны жерлейтін орынға жеткізгенше бірнеше күн өтіп кетеді. Берлин билігі жергілікті мұсылман жамағатының бұл қиындығынан хабардар, уәдені бергеніне он жылдай мерзім өткен, алайда, орындауға асығар емес.