Техас штатының тұрғыны 12 жастағы Кейтлин Торнлидің қандай науқасқа шалдыққаны беймәлім. Себебі ол бір тәулік ішінде 12 мың ретке дейін түшкіретін болған.

Оның мұндай күйге душар болғанына осымен үшінші апта толған, - деп хабарлайды nur.kz порталы ABC News ақпарат көзіне сілтеме жасай отырып.

Дәрігерлер болса, қыздың бұл жағдайын түсіне және түсіндіре алмай әлек. Кейтлиннің өзі былай дейді: «Мен кларнет аспабын тарту үйірмесінен үйге келе жатып түшкіре бастадым. Сол түні мен ұйықтап жатып, 30-ға жуық рет түшкіргенім есімде».

Ал оқушының ата-анасы қыздарының денсаулығы үшін қатты алаңдаулы. Олардың айтуынша, қазір Кейтлин сабаққа барудан қалған. Түшкірікті ауырсынған ол тіпті дұрыстап тамақтана алмайды.