Өткен жылы Африка құрлығында орын тепкен Сомалиде құрғақшылық салдарынан 43 мыңға тарта адам көз жұмған. Олардың жартысы – бас жасқа дейінгі балалар. Бұл жайында islam.kz порталы аталған елдің денсаулық сақтау министрлігі мен Дүниежүзілік денсаулық сақтау ұйымы және Біріккен Ұлттар Ұйымына қарасты Балалар қоры (UNICEF) келтірген дерекке жөн сілтеген Islam-today ақпарат көзіне сілтеме жасай отырып мәлім етеді. Биыл, дәлірегі, осы жылдың алғашқы жартысында бұл көрсеткіш 34 мың адаммен толығуы мүмкін, яғни, құрғақшылықтан тағы осынша адам бақилық болу ықтималдылығы жоғары.