Башқұртстанның мұсылман жамағаты елдегі тұрғызылып жатқан бас мешітке қандай атау қоятындарын шешіп қойды. Еуропадағы ең ірі мешіттердің бірі болатын аталмыш құлшылық үйіне «әр-Рақым» деген атау берілмек. Ел астанасы – Уфа қаласындағы бұл мешіт Ресей Федерациясы аумағындағы ең биңк құлшылық үйі болайын деп тұр. Оның мұнарасының биіктігі – 74 метр, Грозный шаһарындағы «Шешенстан жүрегі» деп аталатын мешітінен 13 метрге биік, сондай-ақ, Қазандағы «Құл-Шәріп» мешітінен 17 метр биік. Аталған құлшылық үйінде намаз оқитын залдан бөлек медресе мен ислами кітапхана болады. Келесі жылы бұл мешіт мұсылмандар мен меймандарға есігін айқара ашатын болады.