Жануарлар әлемі: Мысық шомылудан қашу үшін «сөйлеп» кетті (видео)

АҚШ-тың Бангор қаласында тұратын Дэвид Сэвидждің Люси атты мысығы өзін шомылдырмауын сұрап, ағылшын тілінде сөйлеп кеткен.

Кезекті шомылу кезінде мысық қожайынының «no more» сөзін қайталауға кіріскен. Бұл сөз ағылшын тілінен аударғанда “жетеді”, “қажет емес” деген мағына береді.

Дэвид Люси есімді мысығының бұған дейін шомылуға қарсылық білдіріп көрмегенін алға тартты. Қожайыны мысығы есінен адасты деп қорқып қалған.

Ол мысығын сөйлеген сәтінде видеоға түсіріп желіге жүктеген. Алғашқы 10 күнде видеоны 2 млн-нан астам адам қарап үлгерген.