Nur.kz ақпарат көзінің хабарлауынша Остин (АҚШ, Техас штаты) қаласындағы марафонға қатысқан кениялық Хивон Нгетик мәреге еңбектеп жүріп жетті.

Жарыстың көп бөлігінде 29 жастағы Нгетик алдыңғылардың қатарында болған. Алайда, мәреге 50 метр қалғанда жүгіруге шамасы келмей қалды. Спортшыға мүгедектерге арналған арбамен медициналық қызметкерлер көмекке келді. Алайда, жарысты аяғына дейін жеткізуге бел байлаған бойжеткен төрт тағандап мәреге қарай бет алған. "Мұны көріп қатты таңдандым. 43 жылда мұндайды көрмеппін", - деді ұйымдастырушылардың бірі Джон Конли. 3 сағат 4 минут 2 секунд нәтижесімен кениялық үшінші орынға ие болды.