Индонезиялық Bukit Asam компаниясы көмірден синтетикалық  табиғи газ өндіретін зауыт құрылысын қолға алмақшы. Бұл жайында islam.kz порталы Thomson Reuters ақпарат көзіне сілтеме жасай отырып мәлім етеді. Бірегей жобаның құны 3,1 млрд долларға бағаланып отыр. Дәлірегі, көмір өндіретін аталмыш компанияның бас директоры Арсал Ысмайыл осы жобаға 3,1 млрд доллар инвестиция құятындарын мәлімдеді. Айрықша жоба үкіметтің табиғи ресурстарға құн қосу жөніндегі стратегиясы шеңберінде жүзеге асырылады. Диметил эфирінен газ өндіру жобасы америкалық Air Products компаниясының кетуіне байланысты уақытша тоқтаған еді. Bukit Asam жалпы энергетикалық құны келісіне шаққанда шамамен 3700 ккал болатын 8,4 млн тоннаға дейін төмен сұрыпты көмірді өңдеуді жоспарлап отыр, осылайша күніне 240 млн британдық синтетикалық газдың жылу бірлігін немесе жылына шамамен 1,6 млн тоннасын шығаруға мүмкіндік береді. Білікті мамандар кәсіпорынның төмен сортты көмір қорының бір бөлігі газдандыру үшін ерекше қолайлы екенін атап өтті. Өзгеше жоба өз кезегінде елдің ішкі нарығында газға өсіп келе жатқан сұранысты қанағаттандыруға мүмкіндік береді. Bukit Asam бастамасы аясында Perusahaan Gas Negara (PGN) мемлекеттік компаниясымен және халықаралық технология жабдықтаушысымен бірлескен кәсіпорын құруды қарастырылады. Қазiргi уақытта PGN-мен жобаның техникалық-экономикалық негiздемесi жүргiзiлуде, бұдан бөлек, өндiрiлетiн газдың құны және оның сұйытылған табиғи газбен (СПГ) салыстырғанда бәсекеге қабiлеттiлiгi бағалануда. Осы орайда бұрын Bukit Asam Air америкалық Air Products компаниясымен бірігіп, диметил эфирінен газ шығару бойынша ұқсас жобаны іске асырмақ болған еді, алайда, 2023 жылы америкалық компания инвестицияларды қайта бөлу үшін жобадан шығу туралы шешім қабылдады. Қазіргі уақытта Bukit Asam бастаманы дамытудың жаңа кезеңінде ықтимал стратегиялық серіктестік туралы бірқатар қытайлық компаниялармен келіссөздер жүргізуде.