Франк Пиксиоле есімді Франция азаматы жазықты болып, Татарстан аумағындағы № 3 түзету мекемесінде жазасын өтеп жүріп, мұсылман болды. Ол темір тордың ар жағында бес уақыт намазын қаза қылмайды, осы уақытқа дейін өзін толғандырып келген сауалдардың жауабын исламнан тапқанын жиі айтады. Бұл жайында «Татар-информ» ақпарат көзі хабар таратты. Қолына кісен салынып, абақтыға жабылғанына екі жыл өткен француз азаматының енді бір жылдан соң бостандыққа шығады: қалған ғұмырын асыо дінімізді зерделеуге сарп етуге ниеттеніп отыр. "Ерте ме, кеш пе, мен де исламға келетін едім, өйткені, менің әкем мұсылман",- дей келе ол: "Ислам - мен үшін жан тыныштығының бесігі",- деді.