Медицина бойынша аса беделді халықаралық сыйлыққа ие болғандар есімі белгілі болды. Биыл медицина саласынан Нобел сыйлығы жасушаның оттегі әсерін қалай сезінетіндігін ашқан Уильям Келинге, Петер Ратклифке және Грегг Семенцке беріледі. Бұл жайында кеше, яғни, қазан айының 7-сі күні Стокгольм қаласында Каролин медицина институты жанындағы Нобел комитеті жария етті. Әлемдегі аса беделді марапатты әдеттегідей 1833 – 1896 жылдар аралығында өмір сүрген, осы сыйлықты тағайындап кеткен кәсіпкер әрі өнертапқыш Альфред Нобелдің туған күнінде – желтоқсанның 10-ы күні салтанатты жағдайда Осло қаласында табыс етеді. Нобел сыйлығының мөлшері 9 млн швед кронды (950 мың долларды құрайды.