Мамандар балалардың салмағы олардың ойлау қабілетімен тікелей байланысты екенін анықтады. Зерттеу барысында семіздікке душар болған немесе артық салмағы бар баланың өз істерін тиісті жоспарлай алмайтыны анықталды.

Экспериментке салмағы қалыпты 7-11 жас аралығындағы 45 бала қатысқан. Олардың ішінде 24-і тұрақты түрде спортпен айналысқан. Бұдан басқа, зерттеуге сондай-ақ артық салмағы белгіленген тағы 45 бала қатысты. Барлық қатысушыларға олардың ойлау қабілетін анықтайтын тестілеуден өту ұсынылған.

Ғалымдар сондай-ақ физикалық жаттығулардың баланың миының жұмысына оң әсерін беретіні туралы айтып отыр. Спортпен шұғылданатын балалар салмағы қалыпты болса да, жаттықпайтын құрдастарына қарағанда ең үздік нәтижелер көрсетті, деп жазады шетелдік БАҚ.