Ұйқысыздықтан құтқаратын нейротехнология пайда болды
Ұйқысыздықтан құтқаратын нейротехнология пайда болды
1 жыл бұрын 1219 Материалды көшіріп басқан жағдайда islam.kz порталына сілтеме берілуі міндетті. Фото: Annie Spratt / Unsplash

Уэйк Форест университетінің медицина мектебінің ғалымдары ұйқысыздықты жоюға және вегетативті жүйенің жұмысын жақсартуға көмектесетін нейротехнологияны ойлап тапты. Бұл жайында islam.kz порталы аталмыш технологияның жұмыс істеу принципі сипатталған Global Advances in Integrative Medicine and Health мерзімді басылымына сілтеме жасай отырып мәлім етеді. Cereset Research жаңа жүйесі (CR-SOP) HIRREM инвазивті емес резонансқа негізделген технологиясының жетілдірілген үлгісі болып табылады, ол бас терісіндегі сенсорлар арқылы ми толқындарын бақылайды, содан кейін алгоритмдер белгілі бір жиіліктерді әртүрлі жиіліктегі дыбыс сигналдарына түрлендіреді. Бұл сигналдар құлаққаптарда нақты уақыт режимінде көрсетіледі. Нәтижесінде қолданушының миы «өзін тыңдай» алады. Авторлар CR-SOP миға ұйқысыздықты тудыратын стресті жеңілдетуге мүмкіндік береді, деп санайды: экспозиция мидың белсенділігін өзгертеді, бұл организмнің өзін-өзі реттеуіне әкеледі. Бұл бағыттағы тәжірибеге ұйқысыздықтың ауырлық индексі бойынша жіктеліп, бөлінген 22 ересек адам қатысты. Олардың шамамен жартысы CR-SOP он сеансынан өтті, ал бақылау тобы кездейсоқ құрылған дыбыс сигналдарының он сеансын алды. Бір адамға шаққанда процедураның орташа ұзақтығы 15,3 күнді құрады. Ұйқысыздықтан зардап шегетіндердің жүрек соғу жиілігі мен қан қысымы тіркелді. Бұл тараптағы сынақтар аяқталғаннан кейін және келесі алты аптадан кейін бірінші топтағы тәжірибеге қатысушылар ұйқысыздық белгілерінің азайғанын хабарлады. Сонымен қатар, олар жүрек соғу жиілігінің өзгерісін және барорефлекстік сезімталдықты айтарлықтай жақсартқан – бұлар вегетативті жүйенің денсаулығының маңызды көрсеткіштері.

0 пікір
Мұрағат