|
Мемлекет басшысы Француз Республикасының Қазақстандағы елшілігіне барды
|
Елбасы Францияның еліміздегі дипломатиялық миссиясына барып, көңіл айту кітабына жазба қалдырды.
Мемлекет басшысы Франция мен біздің еліміздің арасындағы айрықша жоғары деңгейдегі қарым-қатынасты, сондай-ақ таяуда өткен сапар барысында Қазақстан тарапына көрсетілген сый-құрметті бағалай отырып, Қазақстан халқының атынан көңіл айту үшін елшілікке арнайы келгенін айтты.
Қазақстан Президенті Парижде зұлымдықпен жасалған террорлық әрекеттер салдарынан көптеген жазықсыз азаматтар қаза болғанын атап өтті.
Осы азалы күндері біз Франция халқымен біргеміз. Бұл ел әлемдік тарих пен мәдениет ошақтарының бірі саналады. Сондықтан мұндай оқиға біздің бәрімізге де ауыр тиеді. Бұл наразылық пен қынжылыс тудырып қана қоймайды, барша адамзатты осындай әрекеттерге қарсы күресуге үндейді. Терроризмнің ұлты мен діні болмайды. Бұл – жалпыға ортақ қасірет. Біріккен Ұлттар Ұйымының таяуда өткен сессиясында мен «Ислам терроризмге қарсы» форумын ұйымдастыру, сондай-ақ осынау зұлымдықпен күрестің дүниежүзілік желісін құру туралы ұсыныс айттым, – деді Нұрсұлтан Назарбаев.
Мұрағат
Көп оқылғандар
■
Әлемдегі ауа тазартатын ең ірі зауыт іске қосылды (видео)
■
Таяу Шығыстағы ең бай қала аталды
■
BionicBee робот аралары үйір құруды үйренді (фото+видео)
■
Cаудиядағы қасиетті орындарда климаттық бақылау жүйесі іске қосылады
■
SiMaxx аккумуляторлы кеудешелер болашақ сарбаздарын екі есе энергия қорымен қамтамасыз етеді (видео)
