Азан шақырған бала көпшілікті ғаламтор арқылы таңқалдырды (ВИДЕО)

Эр-Рияд (Сауд Арабиясы астанасы) қаласындағы мешіттердің бірінде таң намазына азан шақырған кішкентай бала ойламаған жерден танымал болып шыға келді.

Фейсал әл-Шааван есімді балақайдың орындауындағы әсем азанды мешітке келушілердің бірі қалта телефонына түсіріп, әлеуметтік желіге жүктеген. Бар-жоғы бір сағаттың ішінде аталмыш видеоны миллиондаған жан көрген.

Осылайша, ойламаған жерден әлеуметтік желіде танымал болып үлгерген Фейсалдың өзі бұндай боларын , тіпті, күтпеген едім дейді. Кейіннен белгілі болғандай, Фейсал созылмалы бүйрек жетіспеушілігі ауруымен ауыратын көрінеді. Видео арқылы ол өзін тыңдаған жамағаттан дұға тілеуін өтінген.