Ауғанстанда бойжеткен қыздың үнсіздігін некелесуге берген келісімі ретінде бекітетін заң қабылданы. Бұл жайында islam.kz порталы өз кезегінде Firstpost агенттігіне жөн сілтеген Zakon.kz ақпарат көзіне сілтеме жасай отырып  мәлім етеді. Аталмыш занда айтылғандай, «жыныстық жағынан жетілген қыз» егер анық бас тартпаса, яғни, үндемесе, некеге тұруға келісімін бергені деп есептеледі. Бұл ретте еркектің немесе бұрын некеде тұрған әйелдің үндемегені келісім болып саналмайды. Сондай-ақ, заң әкелер мен егде жастағы ерлерге балалар некесін қиюға құқық береді. Формалды түрде қыз бала өскенде мұндай одақты жоюға талпынуы мүмкін, алайда, тек билік басындағы тәліптер сотының рұқсатымен ғана ажыраса алады.