|
Намазды ұзақ оқығаны үшін имамды ұрып жыға жаздады (видео)
|
Африканың қызу қанды бір мұсылманы жамағатқа намазды ұзақ созып оқытқаны үшін шыдамсызданып, имамды ұрып жыға жаздады. Ол намаздың оқылып бітуін күтпей имамға шүйлікті. Намазын жиып қойып, имамның жанына келіп, өз наразылығын айта жөнеледі. Енді болмағанда екпінінен тау қопарылатындай жігіт имамды жұдырықтың астына алар ма еді, егер имам сабыр сақтамағанда. Сол жердегі имамға ұйып, намаз оқып тұрған жамағаттың да мазасын алады. Айта кетейік, Пайғамбарлар падишасы – Мұхаммед Мұстафа (Алланың сәлемі мен игілігі жаусын) жамағатқа имам болып намаз оқытқанында намазды ұзаққа созбауға тырысатын. Өйткені, жамағаттың арасында ауруы жанына батқан, әлсіз немесе өзге де себеппен намазда ұзақ тұра алмайтын жандар болуы мүмкін екенін ескерген.
2 пікір
-
![Cаттар]()
CаттарАлматыдағы Тастақ мешітінде қыстық қақаған аязында мешітке сыймағандықтан сыртта тұрып намаз оқуға тура келгені бар. Базар болғаннан кейін сауда жасайтындары бар, сол жерде тұратындар бар, бәрі сол мешітке келеді, Іштегі жамағаттан сыртта тұрған жамағаттың қарасы көп болмаса, аз емес. Имам уағыз айтып жатыр. Сағат түскі бір жарымнан асып барады, аяқ киіммен тұрсақ та жаурап, башпайларымыз бен саусақтарымыздан жан кете бастады. Тыпыршып, имамның уағызын аяқтауды күтіп әлі отырмыз. Имам әлі сөйлеп жатыр. арасында ұрсып, ыңыранып қояды. Сонымен 15 минуттай күттік. Бәрінің қабағы түсіп кеткен. Біреу жұмысынан сұранып келді. артық уақыты жоқ, кешіксе бастығы ұрсады. оның үстіне, аяз қысып барады. ішімнен имамды сыбап-сыбап аламын.9 жыл бұрын -
Нуржан ШуиншалиБул ісіңіз дұрыс болмапты ағасы9 жыл бұрын
Мұрағат
