Биылғы қаңтар-шілде айлары аралығында Өзбекстанға емделуге 67,4 мың шетелдік азамат келген. Бұл жайында islam.kz порталы өз кезегінде елдің статистика агенттігі келтірген дерегіне жөн сілтеген kun.uz ақпарат көзіне сілтеме жасай отырып хабарлайды. Өткен жылдың тиісті кезеңімен салыстырғанда олардың саны 31,1 мың адамға артқан. Аталған мемлекетке ем-дом алу үшін келген шетелдіктер арасында Орта Азия аймағы тұрғындарының қарасы көп: Тәжікстаннан (51,6 мың), Қазақстаннан (7,7 мың) және Қырғызстаннан (6,2 мың) келген. Әзірбайжан бұл тізімде соңғы орында, ол жақтан емделуге небәрі 9 адам келген.